без крв

Вчера во Драмски театар Пловдив започнаа пробите за претставата „Без крв“ на истоимениот роман на Алесандро Барико. Текстот е на Александар Секулов, сценска адаптација и режија - Дијана Добрева. Претставата е дел од двегодишниот меѓународен проект „Манифест“ на Драмскиот театар - Пловдив, заедно со Народниот театар „Јордан Хаџиконстантинов - Џинот“ - Велес, Македонија. Проектот се спроведува со поддршка на министерствата за култура на двете земји, Бугарскиот културно-информативен центар Скопје како и Фондацијата Пловдив 2019 во рамките на програмата „Наследство 2023“. Во тимот се сценографот Валентин Светозарев, костимографите Раде Василев и Елена Вангеловска, композиторот, Сашко Костов, а за музичкиот аранжман е одговорен Јавор Карагитлиев. Кореографијата е на Олга Панго, видео дизајн - Филип Коруновски. Во изведбата настапуваат Маргита Гошева, Тодор Дарлјанов, Константин Еленков, Патриција Пандева, Елена Кабасакалова, Кетрин Гачева, Симеон Алексиев, Красимир Василев, Георги Вачев и Златко Шарков, како и колегите од Северна Македонија - Васил Зафирчев, Кети Борисовска, Исидор Јовановски и Филип Христовски. Премиерата на „Без крв“ ќе биде на 10 септември на Интернационалниот театарски фестивал „Кросроудс“.